أتقدم آنا شخصياً بجزيل الشكر لشركة تكاسي شارلي على تحملهم المعقول و اللامعقول لي وعلى فضفضتي اللي يسوى منها واللي ما يسوى وطولة بالهم معاي .. وطبعا هذا كله سولي اياه و اهم يحتسبون الأجر
والصراحة قعدت أفكر مراراً وتكراراً اشلون أوصل شكري لهم ف دون مبالغة ما لقيت احسن من اني اكتب الشكر عن طريق المدونة لأني أتوقع لو اتبع اي وسيلة اخرى احتمال يحولوني حق أقرب مصح عقلي
(الشر بره و بعيد)
:P في الطريج من ال اي بي سي الأشرفيه إلى الفندق آنا: هذا انت ما غيرك !! هاهاها من وين طلعتلي ؟؟ ذكرني إنت وين وصتنا ؟ مسيو : ليكي مدام هيدي أنا خدتكم ع برمانا آنا: اي اي صح يحليلك ..صج ديرتك صغيرة (شكو) .. الله لايهينك تاخذني على الفندق مسيو: اييي تكرمييي .. حضرتك من ويين ؟ آنا: امممممم صج توهقت لأن الحالة اللي ما أدري شسميها فيني زايده هالأيام و أدت الى اني أمشي و أجذب !! ما أدري والله احنا وين قلنا لك.. آنا ناسيه انت ما تذكر ؟؟ مسيو: هي هي هي كأنو من البحرين مدام كأنو !! آنا: اي اي بس هذي اهيا يبتها .. من البحرين مسيو: هلا فيكي مدام هلا .. انشاءالله انبسطتي بلبنان ؟؟ آنا: من صجك !! أكيد كتيييييير كتييييير انبسطت حمدالله اشلون ما انبسط ؟؟ وياريت الدوام ايكملون يزاهم و كل صبح و عشٍيًه ايزتونا عندكم مسيو: اييي حمدالله .. حضرتك بتشتغلي هون ؟ آنا (بكل عبط) : مسيو يا ريت اتطول على الاغنية اصلي آنا بحب فيروز و داشه جو مع هالجو الحلو .. و ما عندي مانع تبرم فيني شٍي برمه على ما اتخلص الاغنية بس بس وقف اهني بنزل اطقها مشوه لي الفندق .. هالجو ما يتطوف آنا: تسلم عينك يا بعد عيني - طبعا قلتها بقلبي - وعطيته الحساب و توكل على الله
